طيب وهذي الروايه طبعا الروايه كتبتها بنفسي اتمنى تعجبكم
اولا اعرفكم بالشخصيات
ابو فهد :وليد عبد الله الناصر عربجي ويحب اولاده كثير
ام فهد :غزل سوريه بس تتكلم سعودي من عربجيه بو فهد خخخخخخخخخخخخخ
فهد :عمره 17 سنه دبدوب شوي طويل يشبه امه كثير شعره بني وقصير مع عيونه العسليه
فيصل :عمره 16 سنه ضعيف وطويل مملوح شوي شعره طويل يوصل لرقبته ولونه اسود
فارس كعمره 14 سنه ملامحه بدويه ويشبه ابوه كثير
ريم كعمرها 14 سنه تؤم فارس يحبون بعض بس دايما يتهاوشون مثل توم وجيري
وفي شخصيات اكثر رح تتعرفون عليها من الروايه
في بيت ابو فهد وبتحديد في الشرقيه
كان الكل جالس في الصاله وفارس على التي في يتابع توم وجيري <<<<<<<<من زود الدلاخه
وفهد متمدد على الكنبه وحاط ارجوله على الجدار وام فهد جالسه وفيصل متمدد وحاط راسه على ارجولها وتحوس في شعره (عن القمل )
فهد :يمه انا جوعان
فيصل :وانت متى ماتجوع
فهد :نقطنا بسكوتك انا ماكلمتك
ام فهد كخلاص الحين يجي ابوك ونتغدى _ولفت على فارس _ماما فارس قوم جلس ريم
فارس واهوا قايم وفراسه فكره بسويها : ان شاء الله
فهد ناضر فسصل : وانت مانك بزر جالس على رجولها قم صرت رجال قم
فيصل : انت مالك دخل امي وراضيه ويلا فارق مناك صح يمه
ام فهد : اي اهو لسه صغير وقرصت خدوده يوبرني شو حلوا وانت يافهد بعدك صغير
فهد : افا انا صغير انا طلع لي شنب وتقولين عني بزر
ام فهد : والله حتى لو كبرتوا بضلون في عيني صغار
الا صرخه هزت البيت هز وفارس ينزل من الدرج مسرع يختصر الدرجه باربع وريم وراه وكلها مويه
ريم :والله ماخليك يانذل
فارس :اتحداك تسبقيني ههههههههههههههههههههههههه
وركض من مكان الى مكان حتى وصلوا للحمام _الله يكرمكم
فهد :يمه لحقي ولدك الريم ذابحته ذابحته
ام فهد :يمه ولدي شكلها بتسفك دمه
فيصل :سكتوا الله يرحمك يافارس كنت طيب
ام فهد ضربته على كتفه :لا تقول عن اخوك كذا
فيصل :انا وش قلت الرحمه تجوز على الميت والحي
الا ريم داخله داقه 2000 وعلى وجهها علامات الانتصار وعلى طول على فوق
ودخل فارس وكله مويه وعيونه حمره وحده معصب
الكل :هههههههههههههههههههههه
فارس :شفتو وش سوت غرقتني لين بغيت افطس
فهد :ياريتك فطست
فيصل :يارب عشان تكون الغرفه لي لوحدي
فارس :يمه شوفيهم يبون يذبحوني وانا حي
ام فهد :اسكتو عن اخوكم الله يطول في عمرك وخليك لي ان شاء الله والحين رح بدل ملابسك لاتمرض
راح فارس فوق لغرفته يبدل بس موبساكت لريم بسوي فيها شئ يخليها تندم
فهد :يمه جوعان
فيصل :يمه بعدي عنه لاياكلك اذا جاع مايشوف احد
فهد عطى فيصل نضره يعني هين مابعديها لك
الا بدخلت ابو فهد :السلام عليكم
الكل : وعليكم السلام
قام فهد بسرعه وحب راس ابوه :هلا والله بالغالي
ابو فهد :هلا فيك
بسرعه التفت على امه :يمه يلا حطي الغداء
ابو فهد ضربه على كتفه : اقول هذا الترحيب مو لي اكيد للغداء
فهد :لا والله انت الغالي
ابو فهد :اكيد
فهد :اكيدين
ابو فهد مسك بطنه :اي والله وانا جوعان حطو الغداء
ام فهد :ان شاء الله من عنوناتي
ابو فهد :تسلمي
وجات الريم مسرعه ونطت في حضن ابوها
ابو فهد :هلا ببنتي حبيبتي
فيصل :يبه الحق الريم ذبحت فارس وسفكت دمه مسكين الله يرحمه
ابو فهد ضمها له :بعد عمري بنتي اعرفها طالعه علي ذيبه مااحد ياخذ حقها وفارس يستاهل اكيد مسوي لها شئ
ريم :اي دخل غرفتي وانا نايمه وكب علي مويه وانا غرقته عادي
فهد :انتوا سوالفكم مافيها فايده اروح اساعد امي بالغداء احسن لي
الكل :ههههههههههههههههههههههههه
ودخل فارس :ليه تضحكون يبه انت هنا _ونط في حضنه
فارس :يبه شوف بنتك غرقتني لين بغيت افطس
ابو فهد :تستاهل ليه تتحرش فيها
ريم :اي ومره ثانيه ان عدتها يمكن اسفك دمك
فارس :متوحشه
ريم :دلوع _ومدت له لسانها
ابو فهد :خلاص كلكم مدلعين عندي
فيصل :وانا _ونط لعنده
ابو فهد :وانت ولاتزعل كلكم غالين _وتنهد _الله يخليكم لي
ودخل فهد بالغدا وحطه على الطاوله :اوه مسوين فلم هندي مابقى الاانا _ونط عندهم
ودخلت ام فهد تحط الغدا
ابو فهد : وام فهد ماتبي تنط عندي
ام فهد انحرجت وحمرو خدودها وماردت
فيصل حط ايدينه على عيون ريم :اعوذ باالله بتخربون البنت واهي خاربه
ريم ضربته :وجع بعينك انا خاربه مالت عليك يالصايع
فيصل : مالت عليك انا موب صايع انا مستقيم مب منحرف
ام فهد :والله يابوفهد اعيالك ذابحيني 24 ساعه هواش
ابو فهد ضحك عليهم مستانس عليهم:هع هع هع هع هع هع وانا وش مونسني غير هواشهم _وضمهم له اكثر_ بعدي والله الله يخليهملي ويخليك لي
ام فهد :يلا الغدا جاهز
فهد :انا باكل والي مابجي بعد خمس دقايق الصحون فاضيه
والكل قام يتغدى
وعلى طاوله الغداء
ابو فهد :احنا رح نسافر
فارس :جد وين
ابو فهد :لابس انا وامكم
فيصل :ليه ماتاخذونا معكم
فهد :افهمها يااخي يعني رايحون يقضون شهر العسل
ريم :وانا اخواني كلهم خاربين
فهد :اقول اسكتي الحين لاتوطى في بطنك
ام فهد: بسم الله عليها كان تختفي
فهد :يمه عندك فارس مثلها اما انا مافي الاواحد مثلي
فارس :لاوالله هذي توامي اذا صار لها شئ يصير لي صح ريوم
ريم : صح في عينك واليوم كاب علي مويه تبي تذبحني
فارس :اف منك امزح معاك
ريم :هذا مزح بس زين اني غرقتك واخذت حقي
فيصل :صح متى بتسافرون وين
ابو فهد :متى بنسافر السبت يعني بعد ثلاث ايام اما وين سر
وفي حي اخر من احياء الشرقيه
يوسف : مافهمت يعني نسرقه
منصور : صحيح كيف
خالد :انت مافهمتوني اسكتو شوئ
منصور :قول يلا
خالد :يعني تعرف ان عنده املاك كثيره واغلب اوراقه في مكتبه يعني نروح بيته نتعرف عليه اكثر لين يثق فينا وناخذ المفتاح وناخذ الاوراق
يوسف :بس كيف رح يعرف ان الاوراق ناقصه
منصور :عادي ماراح يحس يمكن حرامي
خالد :على هذي انا بدبرها
وفي بيت ابوفهد
بعد ماتغدوا فارس جالس مع الريم على البلايستيشن وفيصل على التلفزيون اما فهد كان رايح لغرفته وسمع صوت نقاش وقال اسمع شوي وش حسران
ابو فهد : اقولك رح يزورونا
ام فهد :ليه يزورونا هم حتى مايعرفون عيالك
ابو فهد :والله انا خايف من هذي الزياره بس وش اسوي هذولا اخواني
ام فهد :الصراحه انا مابغاهم يزورونا نسيت وش صار نسيت + نزلت دموعها _انا مالي ذنب والله مالي ذنب
ابو فهد :ادري انك مالك ذنب انسي الي صار يمكن جايين يتسامحوا مني
ام فهد : طيب بس علشانك
ابو فهد :دخليك انا والله لاتزعلي طيب
ام فهد :طيب
ولبس شماغه وثوبه :انا رايح للشركه تامرين شيئ هنا فهد راح لغرفته بسرعه وجلس يفكر :انا عندي عمام كيف وانا مااعرفه وليه خايفين منهم وكيف اهم مايعرفونا بيتسامحون منه كيف متهاوش معاهم اف انا لازم اسئل واعرف وش القصه
فارس وريم على البلايستيشن
ريم :هههههههههههههههههههههههههه ذبحته
فارس : مصارعي مات ذبحتيه
وفيصل كان ماسك الريموت ويدور بين القنوات : اف طفش بروح لغرفتي احسن لي
فارس : اخيرا راح الريم ابغاك في موضوع
ريم ومندمجه في العب :خير
فارس :اسمعيني
ريم :قول اسمعك
فارس :ابطلب منك طلب قولي تم
ريم :اولا اعرف وش الطلب
فارس :تعرفين غرفت ابوي غرفت المكتب الي ماحد يدخلها
انتبهت الريم له وحسن ان وراها مغامره وجلست مقابله له وشوي وتدخل فيه :اي وش فيها
في الشركه
ابو فهد : كيف يعني وين الاوراق اختفت
: مادري والله كنت حاط الاوراق هنا ومقفل المكتب
ابو فهد :شلون ماتدري هذي اوراق مهمه انا وش اسوي فيك الحين تجمعلي الاوراق وتعطيني اياهم باخذهم عندي للبيت ائمن لي وانت انت مطرود ومابي اشوف وجهك هنا فاهم
فارس اسمعي باخذ المفتاح وبننسخ عليه
ريم :ليه وش فيه المكتب
فارس انت ماتدرين وش فيه بس اكيد فيه اشياء خطيره
ريم :وانا وش المطلوب مني
فارس :المطلوب انك تاخذين المفتاح
ريم :كيف اخذه
سكتو شوي لانهم سمعوا صوط خافوا احد يكشفهم مسك فارس يد الريم وسحبها الى الملحق كان مهجور وماحد يدخله ريم : الله معسل _ومشت ناحيتها _
فارس :وش ناويه
ريم :بجربها
فارس :شكله في رجال هنا يلا نطلع
ريم :مو بطالعه الالمن اجربها
فارس ومعصب :قلت لك يلا نطلع
ريم :اذا تبيني انفذ طلبك خلني اجرب
فارس وفقد الامل :يلا جربي بس نفس واحد وبسرعه
وصارت تجربها :كح كح كح كح كح كح كح كح كح
فارس ماعرف وش يسوي والي زاد المصيبه سمع صوت الرجال داخلين سحب ريم وراح في الدولاب الي بجنب الحمام _الله يكرمكم
كان صغير بس قدر يدخل ويدخل ريم معاه وكانت ريم تكح بصوت عالي حط ايده على فمها يمنع كحاتها لاحد يسمع بس كانت تضرب فيه وتسحب يده
فارس :اسكتي شوي اصبري بس اشوي
ريم : اممممممممممممممممم
وفي الملحق
فيصل :شفتو قد ايش انا خطير جبت لكم معسل وهذا الملحق ماحد يدخله ابد
رامي :والله ان عرفوا اهلك بالي تسويه لا يذبحونك ارحم حالك انت مريض
فيصل واهوا يسحب نفس من المعسل :وخير يعني مريض
رامي :يعني ماتخاف على نفسك
ماجد :وانت وش دخلك فيه خله يستانس منت بشارب معنه لاتشرب
فيصل :صح ماحد جبرك
رامي :لا ماابغى الايافيصل وين الاحمام
فيصل :هناك اطلع من هذا الباب وتشوفه قدامك
قام رامي لجهت الحمام وسمع صوت في الدولاب واستغرب صوت غريب اجاه فضول يفتحه
وداخل الدولاب
كان ضيق مره وريم مو قادره تستحمل بتختنق
طق طق طق طق
ام فهد :تفضل
دخل فهد لعند امه وجلس جنبها على السرير وكانت تقرا كتاب ومندمجه فيه
فهد :يمه ابغى اقولك شئ
ام فهد :قول
فهد بتردد :انا سمعت حكيك انتي وابوي يمه قولليلي وش القصه والله انا موبزر قوليلي
تنهدت وقالت مالي الااقوله لا وش اقوله اكذب واقوله اي شئ :ابد القصه كلها انا عمامك مع ابوك تهاوشو على الورث وبعدين سافروا والحين رجعوا وقال ابوك رح يعطيهم ورثهم بس هذا كل القصه
والله اني مو مصدقك بس بسكت وامري لله وبعدين بعرف وش القصه
ام فهد :فهد بطلب منك طلب
فهد :امري يالغاليه
ام فهد :اخوانك امانه في رقبتك لاتتركهم
فهد والله حاس ان القصه فيها انه وتوصيني على اخواني لهدرجه عمامي خطرين :ان شاء الله ابشري
ام فهد ضمته :الله لا يحرمني منكم
فهد :يمه انا طالع مع ربعي رايح اتعشئ معهم
ام فهد :طيب روح بس لاتتاخر
فهد حب راسها :ان شاء الله باي
ام فهد :مع السلامه
طلع فهد الى غرفته يبدل ملابسه ولبس له بنطلون جينز اسود مع تيشرت ابيض محدد باسود وطلع الى تحت :غريبه وين الكل اكيد مسوين مشكله ولا مايختفون الا اذا مسوين مشكله وانا وش دخلني فيهم اطلع للربع احسن لي _وتنهد _اااااااه يايمه مو مصدقك وش قصتك وش قصت عمامي الي طلعوا فجئه
وفي الملحق رامي سمع صوت غريب واجاه فضول يفتحه
وداخل الدولاب كان ضيق مره ةريم موقادره تستحمل ضربت فارس ورفسته واهو كان مستجمل وفجاه
انفتح الدولاب
و
و
و
و
و
و
و
و
و
و
و
و
و
تتوقعون ايش صار انتضر ردودكم
موضوع: روايه والله لاخذ حقي ولو انزف دم 
الأحد فبراير 01, 2009 9:06 am
