((روايه خطييره انا حر مانهان والحر مايرجع لشخص يهينه))

رجيتك وقلبي حامل كل الأشـــــواق..جيتك ونبضاته تزغرد بالأحســـاس جيتك أمل جيتك فرح جيتك إشراق ..جيتك وفاء وإخلاص ياطيب الساس...جيتك على أشفاهي تراتيل مشتاق ...متلهفه لقياك ياشمعة النـــــــــــاس
.:,.,’،"الفصــــل الاول ":.,،:
شليت شنطتي و طلعت من المطار ...خذت نفس طوييييييييييييييل ...و جني من 6 شهور ماا تنفست ..هواء راس الخيمه غير يا عرب ...الله ع جبالها و ع بحارها ..و احس ان الروح ردت فيني و انا اطالع دار بو خليفة رحمة الله عليه جريب مني ...ردت الروح فيني ...ردت الحياة ...التفت ابسرعه صوب اليد الي ريحت كفها ع جتوفي ...ابتسمت يوم جفت طارق اخوي واقف ووراي ..
لويت عليها : هلاالالالالالالالا
طارق : مرحب السااع ..شحالك فديت خشمك ..
رديت عليه مبتسم: بخير ...
يلست ادور من حولي ..
طارق : استريح محد غيري هني ياه يستقبلك ..
عقدت حياتي : افااا ..
طارق زخني من ذراعي و قادني صوب سيارته : تعال تعال كلهم مشتاقين لك ...خاصه العيوز .
ضحكت: هههههههههههه فديت عيوزي و الله ..
طالعني طارق يضحك و جنه يتذكر : اذتها يا ريال مطر متى بيوصل ..اتصلوا باخوكم حشى علينا ما يسوى ..
ركبت السياره و قلته و انا مستانس : فديتها محد يحبني كثرها ..
طارق : ترا قالت عايشه محد يحبك كثرها ..
مدر ليش حسيت برجفه فتساندت ابسرعه ع السيت و غمضت اعيوني ..و الله !!
طارق يكمل : تصدق مطر ..حتتى امايه ما تنش عنك كثر هاي العيوز ..
طالعني و حط ايده ع جتوفي : شبلاك ..
طالعته و انا راسي ع السيت : تعبان شويه ..من الطياره ..
طارق : هي و الله ..الله يعينك ..تدري زيود الطفس اليوم خذ ضرب ربطته بالحديده و عطيته من هاك لزين ..
طالعت برع و قلت بخاطري طارق موليه ما يحس و طول عمره ما بيحس اقوله تعبان و ههو قاعد يكمل سوالف ..
طارق يضحك : هههههههههههههه قول شو مسوي ..
طالعت برع مطنشنه : شو ؟؟
طارق : سارق من الدكان
التفت له ابسرعه : لا و الله
طارق : ههههههههههههههههه قسم بالله ..
سالته اتطنز : شو ميوعينه ..
طارق : لا بس اخوك لوتي ..
قلت من غير نفس : امك مدلعتنه ..فديت رااك و الله يالله اشكثر افتقدتها .."طالعت طارق و ضحكت " هههههههههه اشتقت لها اكثر عنكم ...
طارق : خخخخخخخخخخ نذل ..
وصلنا البيت ..يلس طارق يضرب هرن الين ما ظهرت الشغاله من البيت ..
مهدية : حمدلله ع السلامه بابا
طالعتها : اووه مهديه شو صار متنج
طارق : خلها هاي الدبه بس قاعده بالمطبخ و تطحن كل يوم ضرابه مع العيوز
مهديه محرجه : تااااااااااااااارخ شوهذا كلام انت يقول
طارق ينزل الشنط من الدبه: تاريخ يصمج ع مخج
ما تحملت فانفجرت : ههههههههههههههههههههههههههههههههههههههههههههههه
مهديه : و الله انا متى يسافر من هذا بيت
دشيت داخل و لحقني طارق: يوم بيبيض التيس
رديت راسي لورا و ضحكت : هههههههههههههههههههههههههههههههههههههههههههه
ضربت طارق ع جتوفه : بسك قطعتها ...
شهقت و يبست ابمكاني يوم اجوف البالوت و اوراق صغيره تطااير جدامي و صرااخ الاهل ..مفاجاه ما توقعتها ..
يت عزووه ربعت صوبي لويت عليها ..و شليتها و يلست ادور فيها من الوناسه و هي تضحك ..باستني ع خدي : فديتك مطور تولهت عليك .." وباستني ع خدي ..."
طارق : الا تولهتي ع الضرب محد ياكل ضرب كثرج يا البومه ..
عزوه : محد غيرك بومه " و طلعت لسانها و عفدت تبوسني ع خدي اتغايض طارق "
ضحكت عليها عزه ما تغيرت بعدها شيطونه و اتحب تلاسن طارق حتى بعد ما عرس ..عقبها تجدمت مني امايه لويت عليها و بستها فوق راسها يوم سمعت صياحها لويت عليها و قلتها : فديتج يا الغاليهه انا ابخير و الله ..
امايه : تولهنا عليك و اخيرا جفناك حمدلله ع سلامتك يمه ..
بستها ع راسها : الله يسلمج ..
عقبها سلمت ع سعود كان متلوم مني و شكله كان شاك ان طارق خبرني سالفته فقلته اتطنز : هلا و الله بسراق
نزل راسه متلومه ..: فيلست امسح ع شعر راسه و انا اضحك عليه .."رفعت راسه و خليته يطالعني " شحالك يا رياال
سعود بصوت واطي : بخير ..
طارق : عمى بعينك ابخير يا الحرامي ..
امايه: بسناا عاد خلصنا من السالفه ..
طارق: خله يتادب التيس ...حرامي
سعود ربع داخل متلوم ..
طارق : زوووووووووووووول
طنشت طارق و ما بغيت ارد عليه لان اختيه العوده منيره ..سلمت عليها و كانت شايل ولدها عمره 4 شهور ربته يوم كنت مسافر بالخارج و جفت صوره بس
شليتها و بسته : فديته ..و الله انك ع الطبيعه احلى يشبهني ..
منيره : ها عيل وللدي حليو ..
طارق : بديا بالنفاق ..
طالعته و قلته : انت انجلع عنبوه منو محطنك معلق ..؟؟
طارق : خخخخخخخخخخخخخخخخخ
حسيت الروح ردت فيني يوم سمعت حس عايشه اتقول : شحالك مطر ...
التفت صوبها كانت واقفه ع زاويه ابعيد عنا و كانها تراقب الموقف كل العالم بكف و هي بكف يا ناس ..غصبت اعيوني تنزل بالارض و همست : بخير ..
يتني عزوه رحمه من السما و جنها تمنع كل الاحاسيس و المشاعر الي بدت تحيا من يديد زختني عزوه من ذرااعي قالت : تعال تعال و الله ما تسوى العيوز الي داخل حنه و رنه مطر و مطر ..
طالعت عايشه تشابكت نظراتنا ابعض حسيت اعيونها فاضحه الشوق و الوله ...ابتسمت لي فرديت الابتسامه بعذااااب و تبعت عزوه ...
دشينا كلنا الصاله ..سمعت حس يدوه و كانها قاعده تحتشر ع سعود ...
صخت يوم جافتني ياي صوبها حطت ايدها ع قلبها ابتسمت يوم سمعت طارق يقول : و ابوي خاف اتموت علينا
يدوه : موت ياخذ عدوك ان شاء الله
فتحت لي ذراعها ضحكت ع كلامها و حسيت اني بصيح و انا ادفن ويهي بحضن يدتي ...غمضت اعيوني و انا اسمع حسها و جنها اتصيح ..رفعت راسي و بست ايدينها ..
يدوه: ربي ما يحرمني منك
قلتها : و الله وحشتيني ..
جفتها اتدور شي ..قلتها مستغرب : يدوه تبين شي

يدوه : هي يمه لحظه قوم شويه ...
ابتعدت عنها راقبتها يوم اتشيل الخيزرانه طالعتها مستغرب
طارق : ههههههههههههه اشرد بتصمك فيهااا
يدوه : تجوف هاي الخيزرانه حرام لا اخليها تلعب ع ظهرك لعب جان سافرت وديه ثانيه ..
ضكت عليها بصوت عالي : ههههههههههههههههههههههههههههه
و من وناستي لويت عليها و بغيت اشلها بس صراخها و خوفها خلاني اغير قراري ...
عزوه : يا حظي ..تراني اشبه مطر فديتني ..
يدوه : لا فديتج ها يشبه الغالي ..محد يشبه غيره ..
طارق: علشان جي ميته عليك ..
زختني امايه : يلا فديتك روح حجرتك اسبح و ارتاح ..لي ما احط لك الاكل...
عصبت يدوه: وين وين يروح حجرته خليه بعدنا ما شبعنا منه
منيره : ههههههه الله يهداج يدتي وين بروح بطير خليه يرتاح تعبان من السفر ترااه ..
طارق : ابوي انا بروح حجرتي يوم بيخلص الفلم الهندي مالكم تعالوا ازقرونيه ...
عزوه : و الله محد زقرك ..
امايه: بس عاد سكتي عنه لا تتحرشين فيه ...
طارق : خليها ترا ها تباني اقولها البومه ..
عزوه :بومه تفقع اعيونك .
ابتسمت و ابتعدت عنهم .. و كاني كنت بحلم و صحيت ..حشرت البيت ..اهلي ..مغايضات عزوه و طارق ... تنهدت و طلعت من الصاله رايح حجرتي ..دخلتها جفتها مرتبه ..و ريحة الدخون يا سلااااااااااااااااااام روعه فديتها هذي اكيد منيره ... ه اتحب هاي السوالف ...انسدحت ع الشبريه و غمضت اعيوني ....خلصت الدوره اخيرا و الحينه عندي شهر اجازه ... شسوي فيها ... معقوله بقدر ارجع اتحمل وجود عايشه ..مقدر مقدر ..
تنهدت بعذاب ..ع بالي بالاول نسيتها خلااص بس من سمعت حسها كل شي رجع شرات اول و اشد ..زخيت المخده و لويت عليها ..بقوه اشتقت لها وايد ..بس مقدر مقدر طريقي و طريقها مختلف ...مستحيل يصير طريقنا واحد و من سابع المستحيل ...
ماشي غير حل واحد اطلع من البيت ...حطيت ايدي ع يبهتي حسيت الصداع بيهد حيلي ... ما يصير اطلع من البيت بعد ابوي انا اتحملت مسؤليه هالبيت فكيف اطلع و اخليهم ...تنهدت بعذاب ... غمضت اعيوني حسيت ابروحي بعالم مظلم .. ما يجوف النور ...فريت المخده بعيد عني و يلست يوم سمعت باب الحجره ينفتح ...
امايه: بلاك يمه .
قلتها بهدوء : ماشي مصدع شويه ..
حطيت شنطي جرريب من الكبت : ها من السفر و التعب ..بيبلك اسبرين بس انت الحينه قوم اسبح ..
قلتها و انا متعايز : ان شاء الله ..
و قبل ما ادش التفت صوبها : امايه ..
كانت تعابل بثيابي : ها فديتك ..
قلتها : منو مغير ديكور الحجره ..
ابتسمت: عيبك..
رديت لها الابتسامه : هي و الله واايد
امايه: هاي منيره فديتها ..وعزه و عايشه ساعدوها بعد ..
طالعت حجرتها مره ثانيه لمسات عايشه ...
امايه : يلا يمه رووح اسبح ...تباني احطلك الاكل هني ..
قلتها : لا فديتج بسبح و برقد عقب باكل ..
امايه: زين عيل بتحتشر علينا لعيوز عيل ..
ضحكت ع كلامها و دشيت الحمام ...عايشه دخلت غرفتي بس اعرف شو الشي الي كان من ذوقها الستاير ..ولا اللحاف ؟؟ و صبغ الحجره ..شو يا ربي شوووه ..!!!
حسيت بالثجل ظهرت من الحمام جفت امايه طلعت من حجرتي فضت شنط ثيابي و شنط الهدايا خلتها ع زاويه ...
فريت روحي ع الشبريه و غمضت اعيوني و ما دريت بالي حولي و رحت بسابع نومه ...حسيت بلمست اصابع ع خدي اصابع ناعمه و مب غريبه عليه اعرفها زين ما زين ...ابتسمت ما بغيت افتح اعيوني صديت الصوب الثاني و خليت ايدها تحت خدي ...حسيت انها بتسحبها بس ترجيتها : خليج دخيلج وحشتيني ..
حسيت بايدها الثاني تتحرك ع كتوفي ..ما تصورون اي مشاعر اجتاحتني هذيج الساعه ..
قلتها : لا تحرميني منج مره ثانيه ...ما ابا انحرم منج ..عايشه ...
حسيت بنصخها جريب مني ..و ريحة عطرها لاعبت خشمي ...ما تحملت كنت ابا افتح اعيوني بس التعب كان مغلب علي ...تجلبت علشان ازخها و ما اخليها تشرد عني ...بس حسيت جسمي اتكسر و صرخت من الويع : أأأأأأأأأأأأأأأأأأأأأأأأأأي
فتحت اعيوني بكسل :حاولت انش بس ما رمت آآه كنت احلم بعايشه ...انتبهت لروحي طحت من ع الشبريه ..
ضحكت ع روحي حسيت بروحي خبل ...معقوله احلم ..حتى بالاحلام ما رحمتني ...مضت اعيوني و تنفست بعمق شميت ريحة عطر ..بغرفتي غير ريحة الدخون ..اكيد امايه او عزوه ولا منيره يت توعيني ..نشيت و رحت الحمام اتغسل ..
طلعت و انا احس بالانتعاش .. طالعت الساعه كانت 9 العشى اوهوووووووووو رقدت وايد جفت الاسبرين و كلاس ماي صوب التسريحه فديتج امايه عيل انتي الي دخلتي عليه الحجره ..
التفت صوب موبايلي يوم رن ..رحت صوبه ...جفت المتصل طلال ...
رديت : هلا و الله
طلال: يا المهرووم موبايلك احترق و انت ما ترد
قلته : قص الله لسانك الوصخ بعدك انت جي
طلال : هي شسوي احب
قلته: زووول من ويهي لااه
طلال : هههههههههههههههههههههههه شحالك يا رياال ..
رحت صوب التسريحه امشط شعري : ابخير و الله ..انت شحالك
طلال : تمام . شو السفر
قلته : كل يوم ترمسني في باريس و اليوم بعد تسالني شو السفر و الله ما عندك سالفه
طلال: هي ما عندي سالفه ارمس واحد شرتك ..
قلته : لا و الله
طلال: فديت خشمك ..ها بتيي اليوم ..
قلته : اككيييييييييييد ..
طلال : يالله خلنا نجوف و نسل عليك و عقب نشوتك ..
ضحكني كلامه : هههههههههههههههههههه اجلب ويهك ...
طلال: ع اي صفحه ..اقول امر عليك ولا بتيي بسيارتك ..
قلته : لا بيي بسيارتي ..
طلال: اوكى بو الشباب نترياك ..
قلته: في امان الله
طلال: مع السلامه ..
لبست ثيابي.. و تعصمت و ظهرت من حجرتي ..رااايح صوب ..الصاله ...سمعت حشره اخواني دشيت
و سلمت : السلام عليكم ..
الكل : عليكم السلام ..
امايه: فديتك ما بغيت اتنش ..
يلست حذال يدوه و قلتها :: و الله من التعب ما حسيت ابروحي ...
يدوه: عيل جان واصلت للصبح ..
ضحكت: ههههههههه حدج عاد وراي سهره
اامايه: عنبوه توه ياي من السفر ارتاح .."نشت "عزوه قومي تعالي ساعديني خليني احط العشى حق اخوج
عزوه تلعب بلاستيشن مع سعود :صبري امايه سعود غلبني ..
سعود : هههههههههههههه يلاا يلاا قومي ..غلبناج ..
سالتهم: وينه طارق و منيره
عزوه : تنش من مكانها : طارق ظهر يوصل عايشه عند اهلها و منيره راحت بيتها ...و ريلها يااه بى يسلم عليك بس انت كنت راقد ..
سالتها : شخباره
عزوه : بعدج بوتمبه
ضحكت ع كلامها : هههههههههههههههه
يدوه : حرام لا اييج واحد درام اخس عن عدول ريل منيره ..
عزوه تربع برع : وي وي فال الله ولا فالج ..
لصقت بيدتي و قلتها : شحالج .
يدوه اتطالعني مستانسه : و الله من شفتك و انا ابخير ..
قلتها : عسى دوم يا الغاليه ...و استانسي عندي اجازه شهر ..يعني ماشي دوام بتملين مني ..
يدوه : عندك اجازه علشان ربعك .بتقعد تجابلني شوه
ضحكت عليها : هههههههههههههه لافديتج انتي الغلا ..
التفت صوبي سعود رفعت حياتي قلته : شو الدراسه ...
سعود رد يكمل لعبه : زينه ..
يدوه : ترا كتبه متشققه من كثر ما يراجع دروسه
ضحكت : هههههههههههههههههههههههههههه
دشت امايه و عزوه و الشغاله كنت ارقبهم : ايه شو كل ها الاكل....؟؟
امايه : كل فديتك خل يرد حالك ...
جفت اصناف وايد و حسيت امايه امبالغه وايد ..
قلتها : زين اترييي قوم طارق
امايه: طارق بياكل برع ...يالله تعال سم بالله و كل
اتجدمت و يلست اكل و كل شويه تجدم لي صحن ...تميعنا و كلينا وقبل ما انش ..
قلتها : ما شاء الله طباخج لذيذ ربي ما يحرمني منج ..عيبتني وايد المعكرونه ..
عزوه : عاد هذي عايشه مسوتنها و مسويه المحشي ..و مسوي هاي الفطاير ..و انا سويلك هاالصنف و الباجي كله امايه ...
بلعت ريجي ما رديت عليها ...عايشه من دوم طباخها لذيذ نفسها بالاكل وايد حلو ...

قلتها : تسلمون و الله ..

وقفت و قلتهم : بطلع اسلم ع الربع ...

يدوه: الي اعرفه الواجب هم اييون يسلمون عليك ..
ابتسمت: فديتج هذيلا من وين يعرفون الواجب ...

امايه : لا تتاخر يمه

طالعتها : ان شاء الله يلا تامروني بشي ...

يدوه و امايه : الله يحفظك ..

و انا طالع تذكرت شغله فزقرت عزوه : عزوه تعالي ابااج..

يتني عزوه و طلعنا انا و هي برع الصاله قلتها : شي بحجرتي صوب الباب شنطه فيه هدايا حكم ..
استانست : و الله و شو يبت لي ..

ابتسمت لها يوم جفتها مستانسه : كل الي تحبينه ..بس انتي جسمي الهدااياا زين ...و اذا ما تعرفين خلي اامايه تساعدج ..

عزوه : من اعيوني دام السالفه فيها صوغه ما يحتاي حد يساعدني ..

ضحكت : هههههههههههههه زين يلا مع السلامه
عزوه : بايووووو ..

التفت لورا جفتها تربع صوب حجرتي ...ما فيها صبر هاي البنيه ..ما صدقت خبر ...هههههههههه فتحت باب الحوي و قبل ما اظهر جفت عايشه بويهي ...اسرتني اعيونها كل شي فيها يجذبني ..يعذبني هاي مثل الساحرات تطلع لي باي مكان و بكل وقت ...ريحة عطرها رجعني لواقع دنياي نفس ريحة العطر الي شميتها بحجرتي من شو يه معقوله عايشه كانت ...........؟؟؟ لا لا ما اظن يمكن انا كنت احلم اكيد حلم ...ابتعدت ع الباب و دخلت ..سارت سيده التفت صوبها اراقبها ..خطاها بس سمعت ضحكت طارق برع ..فطلعت جفتها قاعد يسولف بالموبايل ...
سلمت عليه من بعيد و رحت صوب سيارتي بورش كايين كدها طارق كد المهروم هههههههههه شغلتها حسيت صار لي دهر ما ركبتها ...سيارتي روز رايس بعدها ما وصلت من الشحن ...

قبل ما حرك سمعت صوت طارق : بو غيث ..

نزلت جامة السياره : هلا ..
طارق : وين ما شاء الله ..

قلته : طالع صوب العزبه ويا الشباب ..قوم طلال و ربعه بتيي

اشر لي : لا لا ما بيي باجر علي زام ...زين ارتاح اليوم و روح باجر عنبوه ما صدقت انته

رديت السياره ريوس : هي ما صدقت يلااا سلااااااااام

حظك طارق احسدك ع شوه ولا عشوه ...مهما كان انت اخوي ..تنهدت بعذاب ..خطر ع بالي اخطف بشوارع رااك و اجوف الدنيا ...الله يا رااك لج وحشه ...لست اجوف مناطق و الف من مكان لمكان ...نسيت روحي ..حسيت بالراحه فكري خالي من اي شي يضيج او يحزني ...

نقزت يوم رن موبايلي رديت : هلا طلال

طلال: وينك اتقص عليه شو انته

ضحكت ع كلامه: ههههههههه لا و الله ياينكم قاعد اخذ لفه اشتقت لراااك ..
طلال : لا و الله صيحتني يا ريال

قلته : طوف ...
طلال : ههههههههههه خلاص انت وين بييك

قلته : هني صوب بحر راس الخيمه

طلال:: اهاا خلااص دقاايق و بكون عندك ..لا اتحرك اوكى

رديت عليه : اوكي لا اتيب معاك عشى تراني تعشيت هاه
طلال : الحمدلله وفرت

قلته: يا الزط من عرفتك و انتي زطي ..

طلال: خخخخخخخخخخ يلا اجلب ويهك ..باي ..

هالريال متى بيعقل صار عمره 31 و بعده خبله لا و لمصيبه مب راضي يعرس يمكن يعقل ...تنهدت انا صار عمري 28 و للحين ما تزوجت عقب عايشه ما افكر ارتبطت باي انسانه غيرها ...امممممممممم الحينه ماخذ فتره نقاهه لكن خلني اكمل جم يوم بسمع حشره امايه و بتزن ع اذوني اخطب بنت خالتي الا تلصقني بعيال اختها ..
نقزت يوم سمعت صوت هرانه التفت وراي ابسرعه جفت مسيره ليتات خطر و هرانه شسالفه شو مستوي هني ..تجدمت ..ما احيد شي مباريات ولا مسابقاات ..لحظه هاي السياارات يايه صوبي ..وقفت ابمكاني اركز بس قوة ليتات السيارات غشت اعيوني ...ما صارت مسافه بيني و بينهم شيييييييييييييت بدعوني شردت ابسرعه اركض و السيارات تجرب صوبي ...ربعت صوب سيارتي ... اندسيت وراي ...حسيت قلبي بيطلع من ضلوعي ..شو هالنذاله ؟؟؟

وطيت تحت لاني اعرف بنهرس اانا و سيارتي ...صخه شالفه رفعت راسي اطالع ..انصدمت بطلال مطلع راسه من فتحه السياره الي فوق و يضحك بصوت عالي و الشباب معاه يضحكون الحيوان مصخرني حسيت ويهي يحترق ...

طلال : ههههههههههههههههههههههههههههه اطلع يا الفار شرايك باستقبالنا ..

عصبت منه شليت حصى جدامي و فر يته صوب سيارته بكل قوتي

طلال يوطي : يا حماااااااااااااار سيارتي بتكسرها

بس بعدني احس بيض فشليت حجر ثاني و فريته .....دش طلال داخل السياره ...و الشباب ميتين ضحك ..هذيج الساعه طلعت اضحك : ههههههههههههههههه منو الفار الحينه اطلع لو فيك خير ..

طلال ياشر بغتره البيضه : استسلم الله يغربلك ..استسسسسسسسسسسسسلم ..

تجدمت منهم و انا اضحك عليه : ههههههههههههههههههه

نزل طلال من سيارته لويت عليه و نحن نضحك قلته : ما اتيوز عن سوالفك بعدك خبله ها
طلال : هعهعهعهعهع فديت خشمك ...

تجدموا مني الشباب سلمت عليهم واحد واحد ..حسيت بشوق ع ايامنا و سهرنا و خبالنا ...ايااااااااااااااااام ما تنسى و الله ...

طلال : شعندك يالس هني ...

فهد : مشتاق لبحر رااك

قلته ابصراحه : هي و الله ...كنت افكر و سرحان الين ما طبيتوا علي زين ما دعستوني ووو حسبي الله ع ابليسكم

الشبااب : هههههههههههههههههههههه

قلتلهم : يلا سرينا العزبه ..

رفع طلال كندورته و قعد ع الرمل و قال : و الله الجو فنان خلنا نسهر هني اليوم ..
فهد : هي و الله خلوا اليوم هني سهرتنا ...و جان يت الدوريه ترا راسهم العود يالس معانا ..

قلته : هاااااااا تقصدني ..

طلال : هي عيل شو اتحرا حق شو نبا نقعد وياك نشادين ع ويهك

هزيت راسي و طالعته بنظرته : و الله انك ما تستحي ع ويهك
طلال ضحك من الخاطر : هههههههههههههههههههههههههههههههههه

فهد : خلاص انا و عبود و زيود بنروح انيب الفحم و اللحم علشان نشوي شو رايكم

طلال : ليش ما نصيد هني و نشوي سمج ...

زيود : لالا باجر خل السمج اليوم بنشوي اللحم ...شو رايك بو غيث
يلست جريب من طلال و قلت : ع كيفكم انا متعشى و الحمدلله

طلال : و طاعووون

فهد : يطعن العدو يلا شباب سرينا ..

راقبت فهد و زيود و عبدالله لي ما روحوا طالعت طلال : حق شو كل واحد ياي بسياره جي ما ييتوا بسياره وحده ؟؟؟

طلال انسدح و تساند ع ذراعه : علشان تستوي مسيره عوده

قلته : مسيره بعينك ..زين ما فقعتوا مرارتي ..
طلال : ههههههههههههههههههههههههههه

قلته : انت متى بتعرس يمكن تعقل ..

طلال : يوم بتعرس انت عرسي و عرسك بيوم واحد ..
تساندت و قلت بحسره : خلااص ابوي راحت علي انا ..

طلال : ما اظن محد منا يعلم الغيب ...

راقبت الموج و هو يتجرب منا و يبتعد و جنه يلاعبنا : صدقك محد منا يعلم الغيب ..

رن موبايلي جفت المتصل البيت ..رديت ابصراحه دق قلبي يوم سمعت صراخ عزوه و سعود نقزت ابسرعه و انا متوقع اسمع مصيبه مستويه في البيت ع هـالصراخ ...

ياما جرحني الحب جرحن تجــدد ●● وياما بقلبي شلت ناسن نسوني
كانــوا حلــم حياتي اللـي تبـدد ●● بغمضــة عيــن مشـوا واتركوني


نشيت من مكاني بسرعه ابتعدت عن طلال ووقفت ابعيد قلته بهدوء : عزووه شبلااج ..؟؟
عقدت حياتي مب رايم اسمع شو اتقول سعود مطي ع صوتها شسالفه ..

صرخت : عزووووووووووووووووووووه ...

التفت صوب طلال جفته عدل بقعدته و يلس يراقبني من بعيد
عزوه : مطر اقولكم ..

قلتها بغيض : خلي سعود ينطب علشان اسمع شو مستوي ...
عزوه : شي موبايل بشنطتك ..

حسيت ان السالفه بتكون تافهه فقلت ابرود : هي ؟؟؟

عزوه : انا ابا اخذه و سعود ..............
و صرخت مره ثانيه الظاهر سعو\ يير عنها الموبايل : انا ابااه ماشي شراته في الامارات ..
نافخت من الغيض صج تافهين قلته : حط الموبايل في حجرتي استريح لا لك ولا الها ها حقي ...

سعود يجذب و يكلم عزوه : جفتي قال حقي ..

صرخت : سعووووووووود لا تجذب و الله بيي اكسر راسك ..
عزوه تصارخ من بعيد : ما يخصني انا حجزته قبله ..مطوور و الله ما ارمسك ...

افففففففففففففففففففف انا استويت حمار يوم قلت لها وزعي الصوغه و الله اني حماار صكرت الموبايل و اغلقته علشان افتك من حشرتهم ... رديت صوب طلال جفته قاعد يدوخ و يطالع البحر يلست جريب منه و شليت لي صلب زقاره ..

طلال : شو مستوي ..
حسيت ابروحي متنرفز : و الله قمه التفاهه يخلوك تحرق اعصابك ع شي تافهه

طالعني طلال و جنه يتمصخر : مثل شوو
قلته بغيض : لا تحرق اعصابي انته بعد موب فايج لك و الله

و خذت نفس طويل و انا ادوخ..
صخ طلال عني عرف اني محرج و اني ما بتحمله اكثر جان مصخها معاي راقبت البحر ...مدري ليش هدوء البحر ذكرني بعايشه ...عايشه ملاك ..محد يسواها ..شرات الدوى تنحط ع الجرح و يطيب ..
تميت سرحان افكر بعواش حتى يوو قوم فهد ...راقبت عبود يفرش الحصير ...و زيود يحط الحطب بعيد عنا شويه ...و راح صوب السياره و نزل اللحم و اراض غيرها ...

طلال نش من مكانه رايح صوب الحطب و جنه يبا يولع النار: عفيه ع الشبببببببببببببببببباب ...

يلست اراقبهم و هم يعابلون ...التفت صوب فهد الي دزني بجتوفي : شبلاك

قلته و انا اخذ صلب زقاير غيرها : ماشي
فهد : ضايج بك طلال خبرني علشان اراويه نجوم الضحى ..

التفتنا صوب طلال : هاااااااااااا تعال جان فيك خير ..

فهد : ههههههههههه منوه رمسك انته ..
ضحكت : ههههههههه يا الجبان ..

طلال : يالله تعالوا ...شبت النار ...

فريت الزقاير من ايدي ورحت صوب طلال و زيود و معاي فهد ..
سالته : وينه عبود ؟؟

طلال : هناك رايح اييب عشيقته ..

زقرته : تعال زيود بسك ودر عنك هالسوالف ..
كنت عارف شو قصد طلال بعشيقته ...

شبينا النار ... و حطينا اللحم ... الله شو روعه ريحة اللحك المشوي وريحة البحر خذت نفس طويل

ياه عبود و فر الغرش صوبي رفستهم بريولي بعيد طالعني فهد

قلته : خلاص ما صدقت اني ودرتها ...
طلال: ما اصدق و الحينه بتشرب اكثر عنا ..

صخيت عنه يمكن طلال يكون صادق ..يتنتي فتره خلتني ادمن و اعشق الخمر ..ويوم سافرت ودرتها لاني انا بيت اودرها ...بس الحينه شكلي برد لها بس لالالا مستحيل ارد لها انا ما صدقت ...

خذتنا سوالف الشباب و ذكريات زمان ..

قلتهم و انا امضغ اللحم : يا الحيواناات بنتفخ ابسببكم ...
زيود: كل شو احسن عني ..

حسيت بشبع ... كنت اطالع طلال يوم يشرب و عقب جفت فهد و و عبود ..

قلت زيود : و انت ليش ما تشرب ..

نش زيود و فج له غرشه و قبل ما يشرب قال : فالك طيب ههههههههههههههه

قلتهم : عن تسكرون

فهد : محد بيسكر غير عبود ..غرشتين ما بتسده ...
بلعت ريجي ما قاومت زخيت لي غرشه ..بس صرخت شاب من بعيد عطيت عمره 16 سنه من نبره صوته ..يزاعج ..و كأنه يتالم ..

وقفت ابسرعه اتلفت ادور وين هالصوت ..
وقف معاي فهد و طلال و زيود و شكل عبود راح بالخمر و ما يروم يسيطر ع روحه ..

فهد : ها واحد ينضرب ؟؟

طلال : ايه مالكم شغل ...
كنت اسمع كلام فهد و طلال و انا اتجدم بخطواتي احاول اركز ع الصوت ...زخني طلال من جتوفي
طلال: وين ذالف ..

زيود: خله متعود عهالسوالف

قلته و انا خايف بالي افكر فيه : اخاف يجتلونه
طلال: يجتلون منوه انت شو خبله .

سمعنا الصراخ مره ثانيه ...ركضت ابسرعه و لحقني فهد بس طلال و زيود تموا ابمكانهم ...
تجدمنا من الصوت ... اكثر و اكثر ...وقت ابمكاني و اشرا لـ فهد انه يصخ ..لمحنا ظل رياليين قاعدين ايسحبون واحد ..و عرفنا هالواحد الي كان يصارخ ...من شويه ..كان الجو هادي و ساكن ..علشان جي خفت نجدم علشان ما يسمعون صوت اريولنا ...و نحن نخطي ..

فهد يهمس: شكلهم بكستانيين
هزيت راسي موافقنه من لبسهم ..امبين عليهم ...عرفت انهم بيركبونه الشاحنه الجريبه منهم ..علشان طلعت موبايلي و اتصلت بـ طلال ..

ططلال : هاااااااااااااااااه ..
قلته : تعال بسيارتي و ييب معاك زيود ..
طلال: شو صار

قلته بغيض: لا تسال الحينه تعال بسياره ابسرعه ..

فهد: تحركوا ما بنلحق عليهم ...

طلال: يا بوي لا تتحرا نشتغل عندك بالدوام تتأمر علينا وتخرب سهراتنا طوف يلا مناك ..

وصكر التلفون

طالعت فهد و انا اكتم مشاعر الغيض و العصبيه : صكر بويهي الحيوان ..
فهد: بجتلونه مطور ..

جفت الشاحنه بدت تبتعد ...فهد: هذوووه طلال ياي ..بسيارتي الله يغربله ..
قلته: مب وقته اركب معاه و الحقوا الشاحنه

وربعت صوب الشاحنه من غير ما اتريا رده ..ربعت بكل قوتي الحق الشاحنه ...و اخرتها قدرت اركب ورا من غير ما يحسون فيني لمحت ساعتي جفتها جريب اذان الفير ..و الله حاله ياي من السفر و اا ابا ارتاح و استانس ..بس شو سالفه هالصبي ...

ما عرفت الشاحنه وين قادتني ..بس ارتحت يوم جفت سياره فهد وراي ..
اشرت لهم بيدي بمعنى اوكى ...بس الحمار طلال طلع راسه من دريشه السياره

و قال بصوت عالي : عاشووامطور عاش عاش شاروخ خان

حطيت ايدي ع يبهتي عرفت ان هالتيس فضحنا هزيت راسي بمعنى الله يكملك بعقلك ..كنت بطيح فجاه و تعلقت بالشاحنه زين ما زين
. حسيت ان الشاحنه بدت تسرع و تلف كذا مكان و من سكه لسكه حاولت امسك روحي زين ..عرفت انهم لاحظوا ان سياره فهود تلحقهم ..و غير انهم شافوا طلال يرمسني بس استبعدت انه جافوني متعلق بشاحنتهم ...

دخلنا بفريج اختيه منيره ...هني الي قاعد يسوق الشاحنه جنه ما قدر يتحكم بالشاحنه لانه تفاجأ بدرام لزباله فوقف الشاحنه فجاه ضربت راسي بحديده الشاحنه من الصدمه ..حسيت اني فقدت الاحساس بشيء ..من قوه الضربه ..بس عقب تمالكت روحي يوم سمعت صراخ

طلال يزاعج: تعال فهود انا مالي شغل ..ترا ..

طول عمرك بتم جبان يا طلال من عرفتك ...حاولت امسك روحي ...نزلت من ع الشاحنه و لحلقت فهود و جفت زيود بعد و اضطر طلال ينزل و يلحقنا ..

نزلوا الباكستانيين ..تهجوا علينا ...نحن كنا اربعه حتى لو طلال ضعيف و بي بس احيانا منه فايده و هم اثنين ..قدرنا نلبهم كان بالي بالصبي الموجود داخل الشاحنه ..شو حالته .حي ولا ميت ...سمعت اذان الفير دعيت ربي ان الشاب الي داخل الشاحنه يطلع حي ...

انتبهت لصرخة زيود : شرد شرد ...مطور زخه ...

صرخت بسرعه : فهود اربطه ..وودوا الصبي المستشفى و اتصلوا بالشرطه

طلال: الشرطه ربعك مب ربعنا
طنشت تعليق طلال ...حسيت ان سوينا انجاز ان قدرنا عليهم لانه كل واحد كان اضخم من الثاني ...

انا و زيود لحقنـا الباكستاني الي شرد ..

وقفنا اانا زيود يلست ادور : وين ذلف ..

زيود يأشر شوف هناك التفت صوب ما أشر زيود جفنا ظله يحاول ينقز في بيت ناس شكله وايد جديم

..قلت زيود : الحقه بس لا يحس فيك و انا بدور من لصوب الثاني و بنزخه

زيود: كيف ندش بيت الاوادم
قلته ابسرعه و انا اتحرك : اما اظن حد عايش فيه ما تجوفه كيف خرابه ...

سار زيود و انا درت الصوب الثاني علشان اواجهه ..مسحت العرق الي كان يصب ممني ..و عفدت فوق اليدار ..سمعت صوت عرفت انه هالباكستاني ..عفدت عليه بس يبست ابمكاني يوم حست ان بين ايدني بنيه رقيقه ..التفت صوبي و شهقت ..

ما كنت اجوف منها شي الا عيونها ... طالعتني بعيون خايفه حسيت بدقات قلبها تدق ..طاحت من ايدها الطاسه الي كانت شايلتنها .. ييرتها من ذراعها ابسرعه ..حسيت انها بتصرخخ فصكرت ع حلجها و سحبتها معاي واندسيت بزاويه اليدار ...

موقف صعب بحياتي ما مرت فيه ..ما كنت اعرف شو اسوي ...ما كانت عندي غير هاي الطريقه ...حسيت بها شرات الطير ترتجف

من تحت ايدي ..ادري..ما اظن جافت ملامح ويهي بسبب الظلام ..و غير ان الدم مغطي ويهي ..

كانت تضربني ع ايدي و تشمخها حسيت ان ايدي احترقت من تحت اضافرها علشان جي

همست باذونها علشان اطمنها : لا تخافين بس شي حرامي طب بيتكم و نبا نزخه
حسيت ان ايدها وقفت ع طول كملت اطمنها : صخي ..ما نباه يشرد منا ...

يوم حسيت انها هدت واضطريت اخليها تواجهنا علشان اتاكد اذا كانت مصدقتني ..جفت بعيونها انها بدت تصدق ..

قالت بصوت يرتجف: يدي داخل ابروحه ..
كنت اتامل اعيونها ...

قلتها : و انتي شو مطلعنج بها الحزه
بلعت ريجها و كانت تطالع ويهي و جنها تبا تكشف ملامحه بس الدم مخرب عليها : كنت ابا ايب لها ما علشان يتيدد وقت الصلاه ..

استغربت من كلامها ...تحاتي يدها وقت الصلاه و نحن ع البحر و الله العالم كيف حالنا
زاد فضولي : خونج وينهم اهلج يطرشج انتي البنيه ..
لصقت فيني اكثر يوم سمعت صوت ..اتصدقوني استانست و عيبني واايد مدري ياني شعور انها اتم جي زاختني عطول ...
بس عاتبت نفسي ع هالافكار يوم جفت دموعها ...

خليتها وراي و تجدمت خطوه ..جفت الباكستاني ينقز من اليدار و يطلع برع بيت هالبنت ..
طالعتها ابسرعه و قلتها : روحي الصاله و قفلي عليج الباب و تظهرين مره ثانيه بها الححزه ..هذوه طلع الحينه بنزخه
وربعت نقزت فوق اليدار جفتها تربع داخل ...نقزت و لحقت الباكستاني و ساعدت زيود الي كان يجاتل معاه ...
فريناه داخل الشاحنه

بالي انشغل بها البنيه و طبيعه حياتها ليش في ناس بالامارات جي عاييشن ؟؟؟؟

الباكستاني : بابا هذا ول في مشكل
زيود: جب الله يغربلك خربت سهرتنا

اتصلت بقوم فهد عرفنا انهم بالمستشفى ...رحنا صوبهم و دشينا الطواري ...جفت الشرطه متيمعه هناك و طلال مسوي روحه بطل يتفلسف و قاعد يسولف ..

فهد : ها الثاني وصل ..

الشرطي من جافني اصطلب قلته : دق بالجماعه خلهم يفرونهم بالسجن ..و عط خليفه القضيه و خل يعرف شو سالفه

الشرطي: حاضر سيدي ..

حسيت اني رديت اعيش جو شغلي ... و الي حسسني بها الشي اكثر ربعي الشباب صخوا يوم جافوا جي اتامر ع الشرطي ..

كملت كلامي : خذ تقارير الطبيه وودها معاك القسم ..
امرت الشرطي الثاني : جوف نو يطلع ها الشاب و خبر اهله ..و طلع لي ها الاثنين بكفاله منوه و استدعيهم للقسم ..

رد علي الشرطي : حاضر سيدي

.. طالعت فهد: شو اخباره الصبي ..حي ؟؟
فهد ما بين الاستغراب : هي بس دخلوه الاشعه
طلال: مطور يا المهروم ..

طالعته : خربت علينا كل شي ويا حشرتك ..

تفاجأنا بمزيود ساحب وراه النيرس : تعالي لحقي عليه بخللص دمه ..

حطيت ايدي ابسرعه ع يبهتي ..تذكرت اني كنت انزف ....حسيت بصداع تألمت وايد .
طلال: بلاها ايدك منو مشمخنك جي..

ضحكت و انا اتذكر الموقف : هاي القطوه ..

ودونيا الحجره واسعفوا جرحي ...

قلتهم : ايه روحوا جوفوا ربيعكم الي راقد ع البحر ..

فهد : ههههههههههههههه

طلال: ما عندنا الا سياره فهد ..
فهد : خلاص بنوصل مطور البيت عقب بنروح صوب عبدالله ..

خلصنا من المستشفى ..عقب ساعه ..دشيت البيت اتسحب شويه شويه ما فيني تحشرني امايه اذا جافت هاللزقه ع يبهتي ..
دشيت حجرتي ...خذت نفس طويل يوم جفت شبريتي ...دشيت الحمام ضحكت يوم جفت ملابسي جني طالع من المزبله ..تسبحت و تغسلت ..و رحت صوب التسريحه جفت اللزقه فشليتها من يبهتي و فريتها ..انخمدت ع الشبريه تذكرت هالبنيه ...عيونها دمعتها خوفها ..رفعت ايدي اطالع اثار اضافرها ابتسمت ..صدقه طلال .شاروخ خان هههههههههههههههههههه

انجلبت الصوب الثاني طاحت اعيوني ع ورده حمره موجودع ع الكمدينو نقزت و رحت شليتها شميتها ..كانت معطره بنفس ريحة عطر عايشه عرفت انها دشت حجرتي ...حضنت الوورده بكف ايدي ..يا الله ..يا ليتني اهرب من كل هاه بس انا احبها احبها و مستحيل ارتبط بها تالمت وايد بداخلي ...يا كيف الشخص يحب انسان و يموت به و يجوفه دوم جدام اعيونه بس صعب انهم يرتبطون افبعض صعب وايد ..

رديت الورد ابمكانها و دسيت راسي تحت المخده و رقدت ..

فتحت اعيوني و تجلبت ابكسل و انا اسمع امايه اتهزني : يلا يمه نش بيأذن العصر ..لعنت الساعه الي ما قفلت فيها حجرتي بس تعودت اني ما اقفلها ..علشان عايشه ..

قلتها بصوت كسلان: زين حياتي ..

امايه : مطر يلا فديتك نش متى راد البارحه هاه ...

ما رديت عليها اندسيت تحت اللحاف ..

ضربتني ع الخفيف : يلا نش ريل اختك ياه تغدا يبا يسلم عليك بس انت راقد يلا قوم ..

قلتها بغيض: الحينه بقوم ..

غفلت عقب نص ساعه فتحت اعيوني طاحت اعيوني ع الساعه كانت خمس و نص العصر ...تجلبت بكسل ...شيكت ع موبايلي جفت مكالمات من الشباب ...فريت الموبايل بعيد عني ..

و رحت الحمام اتغسل ...عقب ربع ساعه طلعت ...لبست ثيابي ..و تعطرت ..جفت في المنظره الورده الي كانت ع الكمدينو ...رحت صوبها و شليتها معايه و طلعت من حجرتي رايح صوب الصاله ...دشت بس رديت لورا ابسرعه يوم جفت حرمه يالسه داخل بس

زقرتني يدتي : تعال يمه هذي خالتك ..

رديت دخلت : السلام عليكم

ردوا عليه : عليكم السلام ..

سلمت ع خالوه و بستها ع راسها عقب سلمت ع يدوه و يلست حذالها ...

يدوه : ها رديت اتهايت ما وحى لك ترد
ضحكت: شسوي الشباب ما رضوا يهدوني و تذكرت موقف البارحه ..

خالوه : شحالك يمه بخير

قلتها ابخير ربي يعافيج ..

يلست يدوه تقطع التفاح و تاكلني ابصراحه حسيت بيوع فضيع ..تميت اكل من ايدها دشت امايه ووراها عزووه
امايه: هي عموه محد مدلعنه غيرج ..

يدوه : ويدي يسلم راسه ضناي هاه ...كل فديتك كل..

امايه اتطالع خالوه : لا حول ولا قوه ...

عزوه :: مطور البارحه سعود

قاطعتها: جب انا الغلطاان زين ..
امايه : شو السالفه

عزوه : و الله سعود حيوان

يدوه : اني و ياه البارحه تضاربون وحده حيوان انتي بعد
امايه: عموه لا اتقولين حق عيالي جي شبلاج الله يهدااج ..؟؟

خالوه : ههههههههه الله يعينكم

قلت عزوه: لا تفتحين لي السالفه زين ...اوكى فضحتيني قاعده اتصارخين لي جدا الشباب ...
صخت عزوه متلومه ...من حركاتهاا ...
اامايه : اختك و عادل كانوا ..عازمينك ع الغدا باجر عاد لازم كلنا انروح ..

قلتها : يصير خير..

يدوه: الا اكيد تعال ..

بستها ع راسها ووقفت : ان شاء الله فديتج ..يلا انا بطلع شويه عندي شغل ...الا طارق وينه ؟
امايه : طالع مع حرمته ما ادري وين اراضيهم ..

خذت نفس طويل حسيت للحظه اني ضايع ...سلمت عليهم : زين يلا مع السلامه ..

زقرتني عزوه : مطر

التفت و طالعتها ابتسمت و تجدمت صوبي و مدت ايدها و بيدها ورده : وردتك ؟؟

طالعت الورده و قلتها : خذيها لج ..ما منها فايده باجر بتذبل ..

و عطيتها ظهري و طلعت من البيت ..ركبت سيارتي يلست فيها و افكاري تتراقص جدامم اعيوني ..شغلت ع المسجل ..بصوت ..عالي و جني ابا ابعد عايشه عن بالي ...رن موبايلي

رديت : مرحب
طلال: هلا شحالك ..

قلته : و الله طيب
طلال: قصر ع هالمسجل و الله حشره وين تتحرا ابعمرك يالس ..؟

قصرت ع المسجل و انا اضحك لاني غايضت طلال ساللته : شو تبا
طلال: و الله ما فيك ادب

مطر : ههههههههههههههههههههه ادري

طلال: يلا ما بتيي صوبنا

مطر : ياي ..بس مريتوا المستشفى حق ها الصبي
طلال: لا لا ابوي كافي البارحه تعرضنا للخطر بسبته

مطر : و ابوي انا

طلال: بتزورح انفد ابروحك يلا مع السلامه

قهرني فقلته : اجلب ويهك

و صكرت عنه الموبايل ..و حركت السياره ..من غير قصد قادتني سيارتي صوب فريج منيره اختي ..تميت امشي و امشي... وقفت عدال بيت ها البينه ..؟؟؟ منوه ؟؟؟ بيت منوه ها ..

طالعت البيت جفت جدرانه متشققه ...كيف عايشه بهاي الخرابه مع يدها بس وين اهلها ..مدري ليش ارتجفت يوم تذكرت موقف البارحه و انا احط ايدي ع شفايها رفعت ايدي اطالعها ..ابتسمت ..حسيت ابروحي خبل ..يوم نزلت من سيارتي .. ورحت صوب باب بيتهم ...

دقيت الباب حسيت لو دقيت مره ثانيه بنكسر الباب من كثر ما هو جديم ...محد فتح ولا حس جنه البيت فاضي عقت حياتي حتى شكيت يمكن ها الي دشيته البارحه فليل ..؟؟

محد فتح لي تنهدت و رديت سيارتي ....زين لو دقيت الباب شو اقول ..؟؟ وين ابا ..

ههههههههههههههههههه حسيت ابروحي خبل ...رحت صوب المستشفى ...نزلت من سيارتي لمحت موبايلي رن رقم غريب ظنيت ان حد من الدوام متصل بي علشان جي ما رديت ...نزلت و قفلت باب السياره ..رحت الدور الثاني ...وقفت بس انا ما اعرف اسمه شقايل اعرف غرفته ...حسيت بروحي غبي يوم ما نزلت موبايلي معاي كنت بتصل ع الاقل الدوام و بسال عن اسمه ....

رحت صوب الرسبشن ...
جفته ممرضه : لو سحتي

رفعت راسها و طالعتني ابتسمت : هلا اخوي

رديت الابتسامه : هلا و الله ..

سالتني : آمر

قلتها : البارحه ياكم مريض ع الفير بسبب حادث ضرب
يلست اطالع اسامي المموجودين سالتني تتاكد : البارحه الفير

قلتها : ايوه ..

قالت : ايوه اظن تقصد وليد محمد ال..................
ابتسمت : يمكن

عقدت حياتها : ع العموم هوه بغرفه رقم : 2001
ابتسمت لها باتسامه عذبه حسيت انها تلومت فقلتها و انا اضحك : ههههه مشكوره سلاام ...

رحت ادور رقم الغرفه ...
سمعت اصوات و جنها مناقشه حاده .. وقفت اسمع صوت انثوي اتعاتب و اتعاتب و جنه الصبي مطنش ...و يجادلها ترددت اادخل الغرفه او لا ..بس عقب يوم حسيت صار هدوءء تجدمت و دقيت الباب ...

و خطيت داخل الغرفه : السلام عليكم ..

رفعت راسي بطلت اعيوني يوم طاحت اعيوني ع البنت الي كانت جريب من الشاب الي كان متمدد ع السرير...هي نفسها هاي الي ساكنه بخرابه !!!!!!!! شتسوي هني ..شو علاقته فيها .؟؟اتقول ساكنه مع يدها ؟؟؟ عيل منو ها !!


ردوا عل: عليكم السلام

انتبهت انا وين بشو كنت افكر الظاهر انها ما عرفتني ع طول صدت الصوب الثاني و تغشت ...

تجدمت منه و سلمت عليه : الحملله ع السلامه

رد علي : الله يسلمك .."و نظظراته مستغربه مب عارفني "
ابتسمت و طالعت صوب ها البنوته الي كانت معطتني ظهرها و انا اقوله : انا الي يبتك البارحه هني ويا الشباب

مد ايده ع طول و زخني : مشكور و الله مشكور انقذت حياتي ..
كنت اراقب ردت فعل البنت بس الظاهر ما عرفتني لانها ما تحركت تمت جامده ابمكانها ...

ابتسمت له : ها واجبنا طويل العمر ..

طالعت الجبس الي بريوله : شو الاخبار الحينه

قال بتعب : و الله الحمدلله بس شويه كسر بريولي ...كله جم اسبوع و اكون باحس حال
مدري ليش حسيت ان ام اعيون تضايجت يوم سمعت رد هالشباب لان شلت بعمرها و طلعت برع الغرفه و كان امبين عليها محرجه من كلامه ..

ييرت الكرسي و قعدت جريب منه سالته: شو سالفتهم
استهبل علي : منو ؟؟

قلته : هذيلا البارحه الي كانوا بجتلونك

حسيت انه متردد سرح شويه عقب قال : مدري كنت ماشي ابروحي فليل و جفت ثنين هجموا عليه ..
عرفت انه ما يبا يخبرني سالفته بس ما يدري اني اروم امسك قضيته طنشته و قلته : المهم ما تجوف شر

ووقفت : يلا انا بروح بغيت اتطمن عليك

مد ايده و قال لي : مشكور ...

سلمت عليه و قلت : العفو ...

و طلعت قبل ما افتح الباب و اظهر التفت له و قلته : ع فكره ترا انا الرائد مطر اروم اعرف قضيتك و بالتفصيل جان ابا هاه .."رفعت ايدي و قلته " سلاام

ظهرت من الغرفه و انا اضحك ع ملامح ويهه المستتغربه ...وقفت ابمكاني يوم جفت ام اعيون يالسه ع الكرسي جريب الغرفه ...ترددت اروح ارمسها او لا ... من شويه كنت عند بيتهم الخرابه ادقه قاعده ادورها و الحينه الاقيها هني ..؟؟؟

جفتها وقفت يوم جافتني ظاهر جنها ما صدقت تبا ترجع الغرفه و ترد تحتشر ع الصبي الفقير ..بس انا تميت واقف ابمكاني اتريا تتجدم اكثر صوبي ..


انتي بكف وباقي الخلــق في كف ... متعليه في وســـط قلبي ولك شان ..في غير وصلك مالقلبي ترى شف ... محتاج لك يا نور عيني وشفقان ..لا جابوا اسمك صرت انا تقل مختف ... مالي على نفسي الى اطروك سلطان ..

الله يردك لي .. يا مطول غيابه .. يا معـذبي هجري .. مدري وش أسبابه ..
دام الأمل موجود .. فالنفس خضاعه .. حق العيون السود السمع و الطاعه
حاولت اتصارع معاهم بس ما قدرت لانهم مجتفيني ...يلست اصارخ : منوووووووووووو ..
شكيت بالباكستانيين الي تهجموا ع وليد ...حسيتهم يسحبوني سحاب ..حاولت امنعهم بس ما قدرت ...و جنهم يسحبون داخل العزبه

صرخت : طلالالالالالالالالالالالالالالالالالالال طلالالالالالالالالال فهههههههههههههههههههههههد
فكرة يمكن حد من الشباب يكون موجود بالعزبه ..قص علي طلال و قال لي بالعزبه و ابروحهم اكيد عند البحر ...تكلمت بصوت عالي : منووووووووو منو انتوا ...

وقفوني ع ريولي و فجوني عني الربطه حسيت ايدي بتتقطع من كثر الويع ...ما صدقت ايدي تحررت حطيت ايدي ع الغتره الي مصكررين بها اعيوني بسرعه علشان ابطلها و اجوف منو هذيلااا بس كانوا اسرع مني ...فروني بالمسبح مالت العزبه ...

يلست اشاهق حسيت ان الدم تجمد في جسمي ..و اني صج بموت ..ماي باااااااااااارد و غير الثلج الموجود في المسبح ...يوم جفت جي ما خاب ظني شليت الغتره من ع اعيوني و رفعت راسي و ما جذب ظني
الحيوان طلال و ربعه

الشباب : هههههههههههههههههههههههههههههههههههههههههههههههههه هههههههههههههه
رغم البروده الي كنت احس فيها الا ان دمي صار نااار

صرخت و انا احاول اطلع من المسبح : يا الحيوانات

زيود : شو رايك بالمقلب خخخخخخخخخخخخخ
طلال : ههههههههههههههههههههههه و الله كنت بخرب المقلب و بنقع من الضحك و انت تصارخ منو منوووووووو

حسيت ارتجف من البرد طالعت المسبح كتل من الثلح قلته : فكره منو هاي ؟خسكم الله برررررررررررررررررررررد من وين يبتوا كل ها الثلج ...

فهد : طلالالالالالالالالالالال ما غيره هههههههههههههه

فصخت كندورتي و فريتها بعيد ما تحملت حسيت برجفه و اعيوني تدور ع شي و قلته : بتمرضون صج انكم ملاعييييين ..

فهد : هههههههههههههه و الله غمضني حالك

لقيت قب عود طايح بالزاوية ..جفتهم يضحكون و مش منتبيهين ..ربعت صوب القب و شليته ..من جافوا ربعوا ...كنت اركض بكل قوتي هم جدام و انا ورااااا

طلال يصارخ : و الله نسوووووووووووووووووووولف ..

كان همي اركض و اتعب علشان هاي البروده تخوز عني ....

فهود الدب نقز برع العزبه ... و زييود ركب سيارته و طار .. و طلال قفل عليه الحجره ...يلست اشوت الباب حسيته شويه بنجلع ..

قلته: افتح راسك مكسور مكسور ...

طلال : مطور فديتك سوالف بن عمي
قلته : ماشي ماشي بن عمي افتح يلااااااااااااااااااااااا

طلال يززاعج: فهوووووووووووووووووووووود زيوووووووووود لحقوا عليه ..
كنت بضحك بصوت عالي بس يودت روحي اوني محرج منهم ...و يلست اضرب الباب بالقب الي ماسكه
طلال : بتكسر الباب يا الخديه ...

مطر : ابا اكسره ع راسك ...يلا افتح البااااااااااااااااااااااااااااااب ...و ين تباني اددفنك صوب مقبره يدك ولا يدتك

صرخ طلال : مطوووووووووووووووور الله يغربلك كنا انسولف
قلته: كنتوا بتجتلوني هذي سوالفكم ..

طلال من ورا الباب : اسف و الله اسف

رفست الباب : كل تبن ...
طلال: شسوي زييييييييييييييييييييين يخي روح الحق فهد و زيود ..

مطر : لا لا اول شي انت عقب هم ...
طلال : خلااص بزوجك شغالتنا خخخخخخخخخخخخخخخ

رفست الباب بقوه اوني محرج و مب عايبني كلامه

صرخ طلال : اسسسسسسسسسسسسسسسسسسسف الله يغربلك ناوي علي اليوم

قلته: ما تباني اضربك

طلال : و الله ما ابا ..
مطور : عطني مفتاح الباب

طلال : ههههههههههههههه العب غيرها يا حبيبي علشان تفتح الباب
حلفت له : و الله ما بفتح الباب ..
طلال: لاااااااااااااااااا ماشي

قلته : جوف الباب بنفتح بنفتح ...لكن لو عطيتني المفتاح احلفلك اني ما بفتحه و اكسر راسك شو قلت

طلال: ياخي لا اتخرب سهرتتنا خلنا نسولف نضحك و نشرب
مطر : محد خربها غيركم شو بعد للعشره اذا ما جفت المفتاح من تحت الباب قسم بالله بكسره فوق راسك

و يلست اعد : 1 2 3 4 5 6 7

شويه و ما اجوف الا طلال الغبي مطلع لي المفتاح من تحت الباب

ضحكت من الخاطر و انا اشيل المفتاح : هههههههههههههههههههههههه غبي الحينه خلك هني ابروحك ظلااااااااااااااااااااااام جان بييون لك الينانوه يصرطونك

تم طلال يدق الباب : فج الباب مطور فجه

ردييت عليه : هههههههههههههههههههههههههههههههه

طلال : باجر علي دواااااااااااااااااااااااام

و قلته و انا رايح صوب كيبل الكهربه : و الله عساهم يفصلونك ..

و فصلت الكهربه سمعت خباله : افتتتتتتتتتتتتتتتتتتتتتتتتتح حرام عليك ياخي كنت اسولف معاك

ضحكت ابصوت عالي ...و يا ليتك تتأدب ما ينفع فيك .. رت صوب كندورتي شليتها و فريت مفتاح الحجره بالمسبح و طلال داخل يزاعج ... طلعت من العزبه ..

ركبت سيارتي جفت موبايلي فهود متصل و عايشه كذا مره سندت راسي بسيت السياره و خذت نفس طويل ...اتذكر المقلب الي سواه فيني طلال ضحكت بصوت عالي جني مينون ...احلى ما في الدنيا ربع شرات طلال ينسونك همك بخبالهم

بس طلال اشهد انه مينون رسمي ...يلست اتمشى بسيارتي ...هي قادتني ولا انا قدتها صوب بيت الخرابه ام اعيون ...وقفت هناك جفت البيت كئيب و مظلم ...ياني فضول اعرف كيف حياة هالانسانه !! كيف جي عايشه ... اصلا البيت ييسدهم !...تذكرت باجر بروح عزومة اختي منيره و باخذ اعلوم عنها دام افريجهم اكيد تعرفها ...

رديت البيت جفت الوقت بعده الحيوان طلال خرب علينا سهرتنا الليله ...

اتصل بي فهد رديت : نعم

فهد : وين مفتاح الحجره ..طلال بيموت علينا
يتني الضحكه : خخخخخخخخخخخخخ دواهم خل يعرف كيف المقالب

فهد: ههههههههه تعال اسمع حسه شويه و ببجي ..

قلته : شو نسيت نفسك الدور ياي عليك ..
فهد : افااااااااااااااااااا

مطر : ابوي بسير البيت انا بحط راسي و برقد لا تحشرون تقعدون ادقدقون لي تراكم ما تنعطون ويه و الله ..
فهد : يا ثجل دمك كنا نسولف وياك

مطر: المهم انا تعبان و اذا ما ياني رقاد بطلع احاوط مب ياي صوبكم

فهد : اوكى شكلك تبا اتم ابروحك ..نفسيتك مو شي
قلته بصج : ترا محد يحس فيني غيرك

فهد : زين وين المفتاح

قلته : عند النجار خخخخخخخخخخخ اجلب ويهك

وصكرت عنه وصلت بيتنا ..

جفت سعود يسبقني فنزلت ابسرعه و شليت كندورتي معايه ...زقرته : سعود ...........
التفت لي طالعني مستغرب ..حالتي حاله و كندورتي بيدي بس طنشته و قلته : من وين ياي ؟؟

سعود / من برع ..

رديت عليه بحده : ادري من برع بس من وين ...؟؟

سعود : مسوين يلسه صوب الجمعيه و يا الشباب

طالعته بنظرات و قلته: وددر عنك هالسوالف ..؟؟ و خلك بدراستك ...مفهوم !
نزل راسه ما رد عليه

كملت كلامي : قبل ساعات ريل خالوه اتصل بي محتشر عسبة ولده ..لاتقعد اتسوي لنا مشاكل يخي كلنا مرينا بمرحلتك بس مب جي عاد كل يوم سالفه

هز راسه موافق كلامي

قلته : جوف انا ارمسك بالزين لكن لو طارق ما بيرحمك ..و انت بعد تحمل نتايج حركاتك ...سامعني

قالي : محمدووه جلب هو يتحرش فيني ...

صرخت عليه : محمد ولا غيره مشاكل وايد وايد ..ع بالك ما اعرفك زين

تغير شكل ويهه و نزل راسه بالارض ...

امرته : طوف يالله داخل و مره ثانيه بها الوقت تكون مووجود في البيت ..
دخل سيده ع الصاله فريت كندوتي بزاوية الحوي...البارحه فريت كندوه متخرسه دم و اليوم متوصخه ماي ع رمل الله يقفعك يا طلال ..
يلست ع عتبة الباب حجرتي ..ظهرت صلب زقاير و يلست ادووووخ ...حسيت بعدني تعبان طلعت الصلب الثاني و عقب الثالثه نشيت من مكاني و دشيت حجرتي ....

وقفت ابمكاني خذت نفس طويل الحجره مدخنه و مرتبه ..فديت اامايه ....كنت بنسدح ع الشبريه بس تذكرت طفاسه ثيابي..رحت الحمام سبحت و خلصت حسيت بيوع ...

الحينه اكيد الكل رقود ....عقب ما لبست و بدلت ...رحت صوب المطبخ ادور لي شي اكله .عنبوه لا غدا ولا عشىى جني في مجاعه ..فتحت الثلاجه ..طالعتها ما فيها شي ينوكل ....

ما اعرف اسوي لي حلييب بعد ...سمعت باب المطبخ ينفتح

قلت و انا التفت : زين ييتي تعالي سوي لي..............

و صخيت ع بالي الشغاله بس طلعت عوااااااااااااااشي ....
كملت جملتي : اسويلك شو

طنشتها و كنت بظهر من المطبخ بس سدت عني الدرب و صكرت باب المطبخ رفعت راسي اطالعهااا
سالتني و عيونها متعلقه فيني : شبلاك ..؟؟

همست : ماشي خلني اطلع

عايشه : ليش ما تبا ترمسني ...انا كنت اراقبك من دريشة حجرتي ... ما صدقت اني جفتك اتروح صوب المطبخ

قلتها : سعود مب راقد

صكت ع اسنانها : ما يهمني حد انت تهمني
من غير ما اقصد زخيتها من ذراعها بقوه جفت الالم بعيونها بس طنشت و قلت : يوم اني اهمج حق حركاتج البايخه الي اتسوينها مع طارق جدام اعيوني

بطلت اعيونها : شو سويت

رصيت ع ايدي اكثر فصرخت : آآآآآآآآآآآآآآي انت قاعد تعورني ..

دزيتها لاني كرهت الشعور الي حسيت بها صوبها صديت عنها و قلتها : فارجي ..روحي عند ريلج ..
اصطلبت ابمكاني يوم حسيتها لصقت فيني و نبره صوتها شويه بتصيح : انت ما تقدرني ...يعني تظن اني مرتاحه مع اخوك

مدري ليش كلامها ما عيبني فالتفت لها ابسرعه وقلتها : جب لا تكملين رمستج
طالعتني و جنها مب مصدقه تسمع مني هاي الرمسه بس كان لازم اقسى عليها شرات ما قست عليه وقت العشى ...

همست بصوت عذب: مطر انت كل حياتي ..
قلتها بسرعه : حياتج مب لي

عايشه : تباني اطلب الطلاق
فاجاني كلامها قلتها : بتسوينها ؟؟؟

ردت شيلتها لورا فطاحت خصلات من شعرها ع ويها كنت اراقب خصلات شعرها و هي اتقول: علشانك بسوي كل شي ..تتحرا انا متحمله تعليقاتك امك علشان طارق ...

قلته بصوت عادي : عايشه هذيلا اهلي ..

تجدمت مني اكثر : و انت روحي و كل شي بحياتي ...
رديت شعري ع ورا بحركه لا اراديه و خذت نفس ..جني بين نارين ..شسوي ..شو الحل ..

ما تحملت افكاري : زخيتها من ذراعها و جربتها مني اكثر حسيت براحه بقرب هاي الانسانه كنت ابا اهاجمها برمستي بس يوم حسيت بقربها مني قلتها : ساعديني شسوي ...؟؟

تميت واقف ابمكاني يوم جافت الكدمه الي ع يبهتي تحسست عليها برقه غمضت اعيوني قالت : حتى انا اباك تساعدني ..

سالتها : الدنيا وايد قست علينا صح
كانت اعيونها ع الكده و هي اترد علي : هي بس ما تقدر تفرق من بينا ولا تغير مشاعرنا ..

قلتها : فرقتنا خلااص

قاطعتني : بس انا احس انها بتجمعنا و جريب وايد
طالعتها ما فهمت قصدها ...انتبهت انا وايد كنا جريبين من بعض و ممكن اي حد يدش علينا المطبخ ..فابتعدت ابسرعه و قلت : اتروممين اتسوي لي حليب ..

سالتني : تعشيت ؟؟

هزيت راسي و يلست ع الطاوله : ما كلت شي اليوم ...

حطيت ايدها ع جتوفي : ثواني بسوي لك عشى خفيف ...
ابتعدت عني اتعابل في المطبخ تفديتها بسري ..كنت اراقبها كنت مشغول بافكاري و شكلها هي بعد مشغوله بافكارها ...

سالتها فجأه : ما تخافين طارق يدورج ؟

يلست اتقلي البيض و اهي اتقول : لا اخوك رقد ..و ما اظن ينش و جان نش و جافني محد بيظن اني يالسه عند عزوه

حططيت ايدي ع خدي اراقبها : وشو يسهرها عزوه ما وراها مدرسه ؟

ابتسمت و طالعتني : انت حجرتك برع و ما تدرين شو يصير بـ الفله
لفتني كلامها فسالتها ابسرعه : شو يصير داخل . عزوه شو اتسوي ؟؟


ضحكت : هههههههههه ما اتسوي شي فديتك ..تيلس ع التفلزيون ...
يلست اتحط صحون ع الطاوله حطت لي عشى خفيف

قلتها بهدوء : منو يتوقع اني اليوم باكل من طباخج ..
يلست جريب : و ها تسميه طباخ الا هو قرص بيض

مدري ليش لصقت فيها اكثر و قلتها : اكليني بيدينج

ابتسمت لي و شلت لقمه فتحت حلجي زخيت ايدها ...كلت اللقمه ابتسمت لي حسيت اني بحلم .. و خفت لانش منه ...

قلتها بصوت رقيق : جنا بحلم عويش ...
كنت بعدني زاخ ايدها ..فاجأتنيي يوم زخت ايدي و قالت : شو هاا

طالعت مكان اشرت جفت اثار اضافر ام اعيون ما عرفت شو اقولها ..سكت
ردت سألتني و بعيونها الف سؤال : منو مسوي فيك جذا

سكت شويه و قلتها : امممممممممم مدري

حسيت ان جوابي استفزها فقالت بعناد : كيف ما تدري هذا اضافر وحده ..صح ؟؟

بعدت ايدي عنها وقلتها : عن الخربطه ..منو بشمخني يعني
تجدمت مني و قالت باتهمام : يمكن وحده تحرشت فيها و ما رضت ..

طالعتها و قلتها : لا تبدين بتخميناج الي مالها معنى

حرجت : عيل شو معناته كلامك انك ما تدري "ردت زخيت ايدي " هذي اضافر وحده

حاولت اهديها و و امنع تخمينتها فقلتها : عااااااااااااااايشه ..
وقفت محرجه : حتى هاي الكدمه عادي تكون حد ضاربنك ...

كانت تمشي لحقتها و زخيتها من ذراعها : انتي قاعده ..

قاطعتني : محد يعرفك كثري مطر ..انت موتك و بنات حواء

حرجت عليها : مب لها الدرجه ..شو جايفتني حيوان ...
طالعتني بنظرات كل معناتها اتهام و غضب ..و طلعت من المطبخ ...

رديت لورا و ضرب الطاوله بعصبيه ...ما تفهمني غبيه غبيه من عرفتها و هي غبيه ..شت الطاوله فتناثرت الصحون ع ارضية المطبخ ...

طلعت من المطبخ و من البيت بكبره كرهت كل شي حياتي ...كل شي ضدي ..حتى عايشه الي حسبت انها بتريحني طلعت شراتهم ...غبيه ما تفهم و بعمرها ما بتفهمني ..

قادتني السياره صوب العزبه ...جفت الليتات مولعه عرفت ان الربع دااخل ...نزلت من السياره و دشيت ...خذت نفس طويل ريحة مشاوي ...خربت علي نفسيتي هاي ...

صخوا يوم جافوني رديت العزبه ...

فهد : اتقول بترقد ..

يلست و انا كاره حياتي : ما ياني رقاد
نش طلال من مكانه اونه زعلان : يلا شباب انا بروح هاه

قلته : منو طلعك من الحجره يا التعبان

عبود : هههههههههههههههه انا زين لحقته عليه الدموع اربع اربع ..
زيود : ههههههههههههه

طلال : اونكم تضحكون ..؟؟ نسيت رووحك يوم يلست اتشاهق بالمسبح زين ما مت

ابتسمت اتذكر الموقف و الشباب تموا يضحكون هههههههههههههههههه

قلتهم : و الله انتوا الونس الي بحياتي ما انحرمت منكم

رد يبس طلال ع طوول : الله يخليك

مد عبود لي صيخ : ها كل بعيبك ..
قلته: ما اشتهي ابا اشرب

فر لي زيود غرشه فجيتها بسرعه و جني من زمان ما شربت و يلست اشرب و اشرب

فهد : مطور لا تكثر ..

طنشت كلامه يير عني طلال الغرشه : اييييييييييييييه تبا تموت
كنت بنقز عليه و ايير عنه الغرشه بس ما كان لي بارض فشليت صلب زقاره جريب مني ...

فهد : شي بلاك انت ..معقوله بترد عقب ما ودرت ع كلامك

اشرت له بيدي مب مهتم ..كانوا يسولفون و يضحكون ..ما انتبهت شو يقولون ...كان كل همي انسى الدنيا و الي فيها ..خلااص ما قمت اتحمل ..خطر ع بالي اسافر ..تذكرت روحي بالطياره ..يلست الدنيا اتدور اتدور فيني ...شليت ابروحي اتنرح كنت احاول ازخ شي اتساند به ..مدري منو ربعي زخني ووصلني للحجره و انسدحت ع الشبريه ..و رقدت ..

نقزت يوم حسيت بيدي اتهزني : ايهه نش نش

صديت الصوب الثاني و احس راسي بنفجر تغطيت باللحاف ...ابا اكمل رقادي
زيود : مطوووووووووور نش الساعه 12 الظهر

تميت ابمكاني : خلني بكمل رقادي

لحظه زيود !!!!!! شو يسوي هني ..ليش انا وين

يلست ابمكاني اطالع حولي : هاااااا انا بالعزبه
قلته بكسل : ليش خليتوني ارقد هني اكيد الحينه اهلي محتشرين عليه
زايد : هي اخوك طارق اتصل بي ينشد عنك .ما بغيته اقولك انك هني علشان ما يجوف حالتك ..

خذت نفس طويل و رجعت انسدحت ع الشبريه حسيت الدنيا اتدور فيني : شو صار البارحه

زيود : ماشي بس كثرت شرب ما بجنك قلت انك ودرت ..
غمضت اعيوني و انا بداخلي متألم : هي ندمت ..

زيود : شو بلاك شي مستوي فيك ..
فتحت اعيوني و طالعته كمل كلامه : ترا لو نضحك و انسولف و انسوي لبعض مقالب بس انت بداخلك شي

سكت زين طلع زيود يحس فيني ...

رن موبايل زيود قال : ها اخوك طارق ..

وقفت و رحت الحمام اتغسل : رد عليه و قوله اني الحينه ياي البيت ..
عقب ما تغسلت ..ظهرت من الحمام ..جفت علبه الزقاير ع الطاوله ..شليت لي صلب و يلست ادوخ ..

زيود وقف : يلا انا بروح ...تبا شي

من غير ما اطالعه : لا مشكور ..

زيود ضربني ع جنتوفي : زين انجوفك فـليل ...و اذا احتججت لي تراني موجود

طالعته بنظرات انا بحياتي ما احتجت للحد قوي و اقدر امشي حياتي جنه زيود فهم نظراتنا ع طول عطاني ظهري و ظهر من غير ما يقول مع السلامه ..

فريت الزقاير ..لبست كندورتي ... طلعت من الحجره جفت الهندي سليم قاعد ينظف العزبه رفع ايده يسلم عليه لبسته ما كان لي بارض في شي موليه ...

ركبت سيارتي ..لمحت موباييلي جفته مغلق ...طنشته .. و كملت طريجي صوب البيت ..حسيت اني ضايع .. مدري ليش ..يمكن لاني رديت شرب ...يا ليتني ما شربت عايشه استفزتني وايد ..

غبيه كل منها دايما تتهمني ..وحتى الحينه زواجها من طارق تتهمني انا السبب فيه اففففففففففففففففف و انا شدراني شو بيصير ولا يعني اعلم الغيب ..

وصلت البيت كان الجو هادي ع بالي بيكونون محتشرين ... دشيت حجرتي حطيت الموبايل ع الجراجه

و دشيت الحماما اتغسل ... ظهرت جفت طارق قاعدد ع الكنبه و يلعب بقنوات التلفزيون ..
التفت صوبي ابصراحه ارتبكت خفت لا يكون عرف اني البارحه كنت ويا حرمته في المطبخ ....بس ارتحت يوم سمعت نبره صوته : انت وينك جالبين الدنيا عليك ..

فريت الفوده ع الكنبه : ليش اول مره ارقد برع البيت يعني ..

طارق : لا بس تدري اليوم معزوم بيت منييره ...

يلست ع الكنبه مجابلنه : ما بسير
طارق : ليش افا منور مشتطه و بعدين ريلها ما سلمت عليه
قلته : المفروض هو الي يسلم فيني

دشت علينا امايه : يمه طارق انت هني قاعده ادورك

وقفت ابسرعه و رحت صوب التسريحه امشط شعري
سمعت طارق يرد عليها : هي اجوف ولدج شو سالفته

تجدمت امايه مني : وينك انت ..يعني ما تدري محد في البيت الا نحن ارواحنا جي اتبات برع


ما قدرت اطالعها قلتها : كنت سهران ويا الشباب

امايه : و ما تحتاي اهلك

قلتها و متعمد احرج طارق : عندج طارق جي مب ريال ..
طارق جلب السالفه غشمره : ها ها عن الغط ..

امايه : فديتكم كلكم رياييل و يعتمد عليكم انت و طارق و سعود ..بس انت العود ..
خذت نفس طويل ..

طارق وقف : المهم انا رايح و بنسبقكم انا و عايشه ع بيت منيره ..
امايه : لا انا بسير معاكم اتريوني ... خلك مطور ياخذ يدته و و عزوه و سعود ..

ابتسمت بداخلي الحينه عايشه بتتخبل يوم بتعرف امايه بتروح معاهم ...دواها محد يعرف دوامها الا امايه .خلها تنتقم لي منها علشان مره ثانيه ما تظلمني ...قالت اموت في بنات حواء قالت ...

طارق : خلااص فديتج ادريبج ما تستغنين عنيه يلا ...بس تخلصين خبريني

و ظهر من الحجره طالعتها و قلتها : تراج وايد تفريق من بينا

امايه : اخوك مريض
قاطعتها بحده: مب مريض ولا شياته انتي تتوهمين و تحاتينه زياده عن اللزوم صح

صخت امايه و تير شكل ويها استغربت ما تغير بسبب اسلوبي معاها بس في شي اشمعنى طارق
قلتها : انا ما يهمني ..لكن سعود يلاحظ ....وهو الحينه بسن يحتاجج وايد

امايه تدافع عن روحها : ليش انا قصرت معاكم في شي ..

قلتها بصدق : لا

امايه : عيل ما اتقول حق يدتك هاي الرمسه ترا موتها و حياتها مطر ..روح لها الحينه بتغسل شراعك لانها عرفت انك مب راقد اليوم في البيت ...

قلتها : ما عليه يدوه حرمه عوده محد ياخذ لها لكن انتي يا امايه .

وقفت و عطتني ظهرها : لا تقعد تتفلسف عليه ..قوم نش صل الظهر و عقب البس اختك تتريانا ..

ما كنت ابا اروح ..بس صدق من يومين ما كلت شي علشان جي خلني اروح ..و اطفح و اكل و اشبع و غير جي بسلم ع ريلها بالمره ..

قمت لبست ملابسي ... و تكشخت اوني ابا اطلع كاشخ طالعت روحي بالمنظره ..شخصيه خخخخخخخخ ..زين جي خل تتغير نفسيتي ...




دخلنا بيت منيره .. كان ريلها عبدالرحمن الي هو ولد خالتيه يستقبلنا عند الباب ... الحريم دشوا من الباب الريئسي اما انا و طارق و سعود دشينا من باب الميلس الي برع ... تفاجأت يوم جفت ريل خالتي احمد و ولده محمد بعد موجودين بس فهد ما كان موجود ...

عبدالرحمن : حيا الله من يانا عاش من جافك بوغيث ..
ابتسمت له : عاشت ايامك ..عيل ما اجوف فهد !!
خالي احمد : ها فهد متى شاركنا بـ شي ..
سكت عنه ما رديت ما احب ارمس هالانسان احسه دمه ثجيل ..بس طارق ع طول راح قعد حذاله
حط ايده ع جتوفه يلاعبه : حيا الله بو الشباب
احمد : عيل شو تتحراني كبر يدك ..

انا و سعود كنا انطالع بعض بنظرات سعود ما يطيق محمد و انا ما اطيق ريل خالتي احمد بس فهد ربيعي ...فديت فهود ..

جفت محمد يراقب نظراتنا انا و سعود لبسته

عبدالرحمن : ما خبرتنا و شو السفر
قلته و انا اظهر موبايلي : وناسه ..

طارق : يعني شو تباه يقولك غير جذا ...

قلته : شو قصدك ..

عبدالرحمن: هههههههههه فضايح مطر كلها عند فهد ...
ضحكني: هههههههههه و انتوا اصلا محصلينه ها الفهد ..بتصل به بجوفه ..
عبدالرحمن و هو ظاهر من الميلس : ثواني برد لكم

و انا اتصل سممعت خالي احمد يزقبر سعود : سعود قم تعال هني ..

تردد سعود ينش او لا بس طارق قال : قم اسمع كلام عمك ..
سعود بكل وقاحه : ما عندي عم ..

طارق شكله حرج : قم يالله ..

نش سعود من مكانه و ياه يلس حذال خالي احمد ..

خالي احمد : مدري انت طالع ع منوه لسانك طويل ..؟؟ و ما تحترم حد ..

طارق : هي و الله ترا هالصبي وايد مشيبنا

سعود ماد براطمه شبرين : انا ريال مب صبي
فجاه سمعنا ضحكة محمد : ههههههههههههههههههههههه


كان تلفون فهد يرن و يرن سهران البارحه ..الغبي وين بنش الحينه ...صكرت الموبايل بس تفاجات بضحكة خالي احمد وراه : هههههههههههههههههههههههههه

حرج سعود و من حقه يحرج لان أي واحد مكانه و يستهين فيهلا لازم بعصب ,...

سعود : ع الاقل انا طلعت ريال من دون اب يربيني ..لكن انت ابوك يالس عدالك ..................

قاطعه طارق : سعووووووووووود !!!!!!!!!!

تميت ساكت لاني لو رمسة صج بروغ خالي احمد وولده برع البيت ما ينلام فهد يوم مودرنهم منو يعيش مع هالاوادم عافني الله ...

محمد محرج ووقف جنه يتحدا : رياااااااااااااااااال وو غصبن عنك ..

زخه خالي احمد من ذراعه و قاله بجديه : ايلس ...

طارق : يا جماعه نحن يايين نتغدا ما في داعي حق هاي الخلافات كلها ..شو مطر اجوفك صاخ عايبنك الي يصير ..

نشيت من مكاني و قلتهم بكل برود : بسير اجوف منيره ..

و انا طالع كان عبدالرحمن داش ...

عبدالرحمن : وين !!

قلته: بسير صوب الحريم جي حد غريب هناك ..؟؟؟

عبدالرحمن : لا محد ...كلهم اهلك ..و امييه .."فجاه زخني من ايدي " اباك بموضوع

عبدالرحمن غير عن اهله ... عبدالرحمن شخصيه حلوه و ينحب مب شرات ابوه ثجيل دم ..حتى فهد لو شخصيته تختلف عن عبدالرحمن بس احب وايد ربيعي ..و ع قولته محد يعرف بلاويي غيره ..

قلته : امرني ولد الخاله ..؟؟

خذني ع ينب و قال : فهد
قلته : كنت حاس السالفه تتعلق فيه ..

عبدالرحمن : ما يصير جي يا مطر .. انت ادرى شو مسوي كيف عايش ابروحه و مودر امه و ابوه ..حتى نحن خوانه ما نجوفه ..هو اكبرنا وز جي يسوي ..

خذت نفس طويل ما عرفت شو ارد عليه ..

عبدالرحمن يكمل : انا اعرف انه هو و ابوي مش متفاهمين بس امايه و نحن مالنا دخل ..
قلته: زين ام هو قاطعنكم جي ما تنشدون عنه ... ليش ما عزمته اليوم ع الغداء ويانا

عبدالرحمن و جنه متالم : و الله العظيم ادورهى دوراه و اخر شي لقيته قال بيي و انا اعرف انه ما بشبر ..

قلته : خلااص برمسه مع اني سبق و كلمته بس شسوي يا عبدالرحمن ...اخوك عنيد ..
هز راسه عبدالرحمن و قال : الله يهديه .. خلااص اسمحلنا ..

قلته : لا افا عليك ..بس انت حاول اطفي النار الي داخل الميلس

عبدالرحمن مستغرب : منو !!؟؟

ابتسم له و قلت : سعود و محمد .. و ترا ابوك يبا يطفيها بس قاعد يولعها ..

عبدالرحمن يضربني ع جتوفي : هههههههههه ما يهمك ..

دش عني داخل و رحت صوب الصاله ..قبل ما ادش سمعت منيره و جنها محتشره ع الشغاله في المطبخ ...فرحت صوب المطبخ ...

اسمع منيره : انتي ما تفهمييييييييييييين كم مره لازم اعيد لج الرمسه ؟؟؟

فاجأتنتها من وراها : ها ها ها الا الخدم ترا ما نرضى عليهم ..."وطالعت شغالتها " و خاصه الفلبينيات "
ابتسمت لي الشغاله بس نقزت و نقزت انا معاها يوم سمعنا صريخ منيره : و تضحك بعد الصايع زولي برع بسرعه ..


ربعت الشغاله منحرجه قلتها : منيره شو فيج عليها فقيره هاي يايه تترزق

حطت منيره ايدها بخصرها : لا و الله ..اخ لو كنت معرس جان حرمتك جلعت اعيونك حتى الشغلات بتغازلهن !!

طاحن اعيوني جدر العيش حسيت بموت من اليوع قلتها و انا مش مهتم : محد قالج اتيبين شغالات حلوات

منيره تضحك و تتمصخر عليه : هههههههههه هاي حلوه مطور احيدك ذوق

قلتها : منيره فديتج و الله ميت يوع لا اتذليني بسرعه حطي لنا الغدا ..

منيره : فديتك و الله ..اجوفك اعيونك جنها بتظهر لبرع ..

ضحكت : من اليوع ..

التفتنا انا و منيره للصوت الي كان واقف عند باب المطبخ : احم

منيره : عايشه قربي ..

طالعتها جفتها اطالعني غرقت بعيونها مب جني متضايج منه بالعكس حسيت بلهفه و شوق ...و نفس الشي جفت هالشي بعيونها ...